Moderatorja Einxhel Shkira na prezantoi për herë të parë vjehrrën e saj.
Einxhel ka zgjedhur mënyrën më origjinale për të postuar videon e saj të parë me mamin e Dj Dagz, në një qëndër tregtare por me fjalët më të ëmbla për të. Kjo video na vërtetoi se Einxhel ka marrëdhënie super të mirë me Suzin.
“Ju prezantoj me Suzin, edhe pse e njihni. Besoj tani e kuptoni se nga rrjedhin genet e bukura të familjes Gumnishta. Edhe Naimi shumë i bukur është, por Suzi ua kalon gjithëve. Nuk e di a ka njeri vjehërr më të bukur se e imja. Gjithmonë më duhet të rregullohem se ngjaj sikur jam unë vjehrra”, thotë Einxhel gjatë videos.
Pas konfirmimit të shtatzënisë, Einxhel dhe Dagz folën në një intervistë ekskluzive për “Pushime on Top”. Dyshja treguan çdo ndjesi dhe emocion në lidhje me shtatzëninë.
Ata kanë treguar se si e përjetuan familjarët e tyre lajmin e shtatzënisë. Familjarët e Dagz kanë “fluturuar” nga gëzimi, ndërsa Einxhel e ka pasur të vështirë t’ja thoshte lajmin babait të saj, i cili nuk e priste një fëmijë kaq shpejt.
“Kur e morën vesh prindërit kanë fluturuar nga gëzimi. Unë kam kohë që i them motrës kur do e bësh një fëmijë”, tha Dagz.
“Për momentin duke qenë se Dagzi është gjatë gjithë kohës në lëvizje në udhëtime pune, unë kam jetuar në Tiranë ndërsa Dagzi vjen shumë shpesh, unë kam shkuar më rrallë në Kosovë”, ka thënë Einxhel.
