Prezantuesja Luana Vjollca feston ditëlindjen. Ajo ka mbushur 31 vjeç.
Disa foto e video kanë dalë nga festa fantastike e ditëlindjes së Luanës. Ajo shihet e rrethuar nga familjarët e saj dhe sytë na zunë pikërisht tortën, lulet, shampanjën si dhe fishekzjarrët.
Mirëpo, së fundmi ajo ka publikuar disa foto në Instagram, ku tregon se tashmë ajo do të jetë pjesë e TV Klan.
“Përherë dëshiroj që në ditën time të lindjes dhuratën t’jua bëj unë. E lumtur ta ndaj me ju që rikthehem aty ku përkas, në skenë, në ekranin gjigand të TV Klan për t’u takuar së bashku primetime me atë që jam e bindur do të jetë programi juaj i preferuar sërish! Ju jeni arsyeja dhe motivimi im, secili prej jush që më ka kërkuar vazhdimisht të rikthehem, uroj t’jua shpërblej”, shkruan Luana në Instagram.
Së fundmi, Luana Vjollca ka qenë një nga pjesëmarrëset e protestës për ngjarjen e rëndë që i ndodhi 11-vjeçares në Kosovë, e cila u mbajt prej 7 orësh nga disa persona. E mitura u abuzua nga 5 burra.
Ajo e ka përcjellë mesazhin e saj edhe në rrjetet sociale teksa ka ndarë disa parulla, si duket një projekt që e ka realizuar më parë për “Thuaje”.
“Jo, s’e kam paraprirë, thjesht kam treguar një realitet që fatkeqësisht ndodh kaq shumë e kaq shpesh në këtë vend, u mundova ta parandaloj me aq fuqi sa kam por s’ja dola as unë, sepse duhet të jemi gjithë bashkë per t’ja dalë! #Thuaje mjaft dhunës ndaj vajzave të vogla e të mëdha!!!!”, ka shkruar Luana.
