Andrew Tate ka dhënë një “mesazh përfundimtar” një orë të gjatë përmes YouTuber-it të kthyer në boksier Jake Paul, në përgjigje të ndalimit të tij nga mediat sociale.
Tate, një ish-kampion i botës në kikboks, është pezulluar nga YouTube, TikTok, Instagram dhe Facebook ditët e fundit, kryesisht për pikëpamjet e tij për gratë. Paul, i cili ka qenë i lidhur me një luftë boksi me Tate, e ka mbrojtur amerikanin për të drejtën e tij për lirinë e fjalës.
Videoja fillon me Tate që pretendon se ka pasur gjithmonë një jetë “të vështirë” ndërsa kujton fëmijërinë e tij në Çikago.
“Jam shumë, shumë i lumtur që jeta ime ka qenë e vështirë, sepse është e vështirë të bëhesh njeri i aftësive të mia pa mundime, pa u përballur me vështirësi dhe pa kapërcyer vështirësi shpesh të pakapërcyeshme”, thotë ai. “Edhe që në moshë shumë, shumë të re, më mësuan se të shkosh te autoritetet dhe të qash dhe të shpresosh se dikush tjetër do të zgjidhë problemet e tua nuk është mënyra si sillet një burrë”.
“Asnjë grua nuk po del përpara duke thënë se Andrew më goditi. Zero! Videoja e vetme mes meje dhe gruas është me akte konsensuale, ajo doli vullnetare dhe tha se ishte një lojë. Asnjë grua nuk po pretendon se unë jam person i keq ose mizogjen”, ka thënë Tate
Tate gjithashtu pretendoi se klipi i tij në TikTok ishte keqkuptuar dhe pikturoi imazhin e tij global si “fytyra e së keqes”.
“Është një klip i keqinterpretuar. Është çmenduri për mua që jam bërë fytyra e së keqes, me klipe të keqkuptuara, jashtë kontekstit në TikTok, pa patur asnjë akuzë penale”.
