Pas daljes nga burgu, Fero ka qenë tepër aktiv në rrjetet sociale.
Në një video live në TikTok bashkë me Kozakun ku ka hedhur një kunjë të hapur ndaj Taynës.
Gjatë bashkëbisedimit me Kozakun, ky i fundit i ka thënë Feros se Tayna është dobësuar, teksa Fero ka thënëse Tayna çdo ditë shton nga një operacion të ri.
“Atë s’duhet me e pyet a ka muzikë të re, a ka ndonjë operacion të ri”, thotë reperi duke qeshur.
Kujtojmë se reperi shqiptar, Fero ra në prangat e policisë pas publikimit të një videoje ku shihej qartazi teksa dhunonte një person brenda makinës. Pas pamjeve të bëra virale, ndaj reperit u ngrit akuza e veprës penale “Sulm”.
Ai u lirua nga paraburgimi me lajmin që u bë i ditur nga vetë avokati i reperit. Në një deklaratë për “Telegrafi’ ai tha se është pranuar aktvendimi nga Gjykata Themelore e Gjilanit, ku është ndërprerë masa e paraburgimit për Feron.
“Sot kemi pranuar aktvendimin nga Gjykata Themelore e Gjilanit, ku klientit tim i është ndërprerë masa e paraburgimit”, ka thënë Shaqiri.
Shaqiri shtoi se ka pasur një pajtim mes palëve.
“Kjo vjen në sajë të pranimit të fajësisë nga i pandehuri. Siç e dimë të gjithë ngjarja e shkaktuar ka qenë falë një provokimi, jo vetëm me muzikë por edhe me gjeste që ka çuar deri edhe në agresivitetin e situatës. Dy palët janë pajtuar, Fero është shprehur i penduar për atë që ka bërë dhe kështu kanë arritur në një dakoordësi dhe janë pajtuar”, ka thënë avokati për Telegrafin.
Edhe pse kanë arritur një konsensus, Gjykata e Gjilkanit pritet t’i japë një dënimin, i cili ende nuk është vendosur.
“Po, dënim do të ketë, ne po e presim vendimin final ku do të na kumtohet se me çfarë dënimi do të pasojë vepra e kryer nga klienti”, përfundoi avokati.
