Enca Haxhia është një ndër këngëtaret që merr më së tepërmi vëmendje, sidomos për fotot e saj mjaft sensuale por edhe me deklaratat e saj hera-herë të guximshme. Së fundmi, Enca ka marrë sërish vëmendje pas postimit të një “story” në Instagram.
Ajo ka kërkuar që këngëtarët homoseksualë shqiptarë të dalin publikisht.
“Ka ardhur koha që artistët shqiptar homoseksualë të dalin hapur. Ndjej se kemi nevojë për pak realitet në vitin 2022 dhe shumë fansa do të ndiheshin të mbështetur nga të preferuarit e tyre. Jemi lodhur nga ky maskilitet toksik dhe fals. Boll paguat modele për t’i postuar, ndaj tregoni veten tuaj të vërtetë. Unë do të isha e para që do t’ju mbështesja sinqerisht”, shkruan Enca në një “Instastory”.
Më pas, ajo ka publikuar një tjetër foto në ‘story’, ku shkruan se nuk do të ‘ekspozoj’ askënd.
“Mos më kërkoni të “ekspozoj” njerëzit. Kjo është e gabuar. Të gjithë duhet të dalin me kohën e tyre. Thjesht po them se ndihem keq për njerëzit që duhet të bëjnë një jetë të dyfishtë, nuk mund të jenë vetvetja. Bota do të ishte shumë më mirë nëse ne do të ishim jo gjykues dhe do t’i lejonim të gjithë të jetonin të lirë.“, shkroi ajo.
