Ylli i telenovelave meksikane, William Levy, mund të ketë qenë fiksimi i shumë prej ju vajzave që po lexoni këtë artikull. Kur ishit të vogla, mund të keni ëndërruar që partneri juaj i jetës t’i ngjajë aktorit, mund të keni dëshiruar ta takoni por e dini që pas kaq shumë vitesh, kishit mundësinë ta puthni? :p
Në fakt, një puthje e aktorit u dha për këdo që u ofrua të paguajë shumën më të lartë në ankand.
Kjo ishte një ide e suksesshme për promovimin e edicionit të 13-të të “Starlite Gala” në Marbella, organizuar nga Antonio Banderas së bashku me biznesmenen dhe filantropisten Sandra García-Sanjuán.
William u shfaq në gala me një kostum të zi dhe papion, në një event ku tre nga puthjet e tij ishin ndër artikujt më të dëshiruar në listën e ankandit.
Por sa kushtojnë puthjet e William Levy? Tre gratë që arritën t’i blinin, paguan gjashtë mijë euro, më pas 10 mijë dhe e fundit u largua për 12 mijë.
“Jam shumë mirënjohës për të gjithë njerëzit në Spanjë që më kanë pritur. Nuk e prisja kurrë këtë kur nisa të regjistroja Montecristo, e vërteta është se ka qenë një ndryshim i veçantë. Kur ndihmoj, e bëj me zemër dhe për të ofruar pak nga ajo që më ka dhënë Zoti dhe publiku.”- tha aktori gjatë fjalës së tij të falenderimit.
