Këngëtarja shqiptare me famë ndërkombëtare, Bebe Rexha është shumë e dashur për publikun.
Ajo ka postuar së fundmi një video në TikTok ku këndon një pjesë e remix-it të këngës “Blue” që e ka në bashkëpunim me David Guetta.
“David Guetta dhe unë e remiksuam këtë këngë disa vite më parë dhe ne kurrë nuk e publikuam atë. Unë nuk kam ide se si e bënë në TikTok por e dua. Gëzuar”, shkroi Rexha.
Mirëpo, tashmë kënga po merr një vëmendje të madhe sërish.
Videoja është parë nga miliona persona. Tani ndjekësit duan versionin e plotë të këngës.
Dikush i ka shkruar këngëtares: “Bebe, nëse është e mundur të lutem publikoje ‘Blue (remix)’”. Ndërsa Rexha i është kthyer: “Kurrë nuk i dihet”.
Në nëntor të vitit të kaluar, ajo postoi një foto filtra me rroba banje në Instagram dhe u përpoq të shfaqte trupin e vërtetë.
“Doja t’ju tregoja se si dukem realisht. Po, kam kofshët. Po, kam të pasme. Por ja se si dukem unë në kostumin tim të banjës. Ja ku është trupi im. Nuk ka filtra, në rregull? Jo ato fotot e neveritshme që postuan për mua”.
Bebe vazhdoi të fliste për vështirësitë e saj për të parë fotot e saj nga paparacët dhe vendosi të tregonte hapur defektet e trupit të saj.
Më herët, ajo tha në një video: “Janë pushime dhe e di që duhet të jemi të gëzuar. Mendoj se jam më e shëndoshë nga sa kam qenë ndonjëherë. U peshova vetëm tani dhe nuk ndihem rehat ta ndaj peshën sepse ndihem në siklet.”
