Ngjarje e rëndë/ Fëmija 5-vjeç humb jetën pasi u përplas nga skafi në Himarë

Një ngjarje e rëndë ka ndodhur në Himarë, ku një fëmijë ka humbur jetën pasi u përplas nga skafi. Raportohet se fëmija që humbi jetën ishte 5 vjeç.

Policia e Himarës, në njoftimin paraprak, bën me dije se ngjarja tragjike ndodhi në plazhin e Potamit rreth orës 14:00.

Lexo edhe :

Masakra në shkollën në Kahramanmaraş/ 14-vjeçari hapi zjarr në klasë, 9 të vrarë, nxënësja rrëfen tmerrin: “Nuk keni shpëtim”

14:36 17/04/26

Krizë epileptike apo neglizhencë? Versionet e reja për vdekjen e 19-vjeçares, ish-peshëngritësi: Tentova t’i mbaja gjuhën

14:03 17/04/26

Mësohet se autori ka humbur kontrollin mbi drejtimin e mjetit lundrues dhe për pasojë mjeti lundrues ka goditur fëmijën.

Fëmija ka ndërruar jetë në vendngjarje për shkak të dëmtimeve të shumta. Nga ana tjetër, grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

Policia e Himarës/ Informacion paraprak

Sot, rreth orës 14:00, në plazhin e Potamit, shtetasi A. T., duke drejtuar një mjet lundrues tip skaf, dyshohet se ka humbur kontrollin mbi drejtimin e mjetit lundrues dhe për pasojë mjeti lundrues ka goditur një fëmijë rreth 5 vjeç, i cili për shkak të dëmtimeve ka ndërruar jetë në vendngjarje.

Drejtuesi i mjetit lundrues është shoqëruar në Komisariatin e Policisë Himarë dhe po kryhen procedurat për arrestimin e tij.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.

Nga ana tjetër, bëhet me dije se drejtuesi i skafit me inicialet A.T., që përplasi për vdekje fëmijën 5-vjeçar është polic.