Sara Hoxha dhe Ledri Vula janë kaq shumë të dashur për publikun dhe gjithnjë të komentuar. Së fundmi, Sara i është përgjigjur “50 pyetjeve nga Prive”, ku foli për jetën e saj personale por edhe jetën si blogere.
Jo vetëm kaq por ajo iu përgjigj edhe pyetjeve lidhur me Ledrin.
Pyetja: Tre tiparet më të mirat të Ledrit?
“Ai është shumë punëtor, punon pa fund. Nuk është ziliqar, mundohet gjithmonë të ngrejë e të marrë e dikë tjetër me vete. Nuk punon vetëm për vete…E treta, a quhet që ai është një baba kaq shumë i mirë?”, tha Sara.
Po debati më i shpeshtë me Ledrin?
“Sa herë shkojmë në udhëtim zihemi se kush do e takojë i pari Poi-n”, shtoi Sara.
Më herët në një intervistë, Sara ka folur për mëmësinë ku tha se ajo ka goxha ndihmë, duke nisur që nga mamaja e Ledrit.
Sara tregoi se e ka vuajtur pak pjesën pas lindjes. Gjithashtu, ajo tregoi se ka folur vetëm me nënën e saj e aspak me shoqet që nuk janë nëna.
“Unë kam shumë ndihmë. Mami i Ledrit është kryesorja. Nuk janë të gjithë në këtë situatë prandaj nuk mund të them bëni sa më shumë fëmijë. Nuk është aq e vështirë. Mua ma kanë bërë më të tmerrshme, nuk do bësh më gjumë, nuk do bësh më këtë, nuk do bësh më atë. Për mua nuk ka qenë ashtu. Kam vuajtur pak me pjesën pas lindjes. Mendoja se isha e informuar, por jo. Pas lindjes unë flisja vetëm me nëna, nuk flisja më me shoqet që nuk janë nëna. Kisha nevoja për dikë që të më thoshte do të kalojë. Është gjëja më e bukur që mund të ndjejë një person. Unë mezi pres të iki në shtëpi ta takoj. Më merr shumë shpejt malli”, theksoi ajo gjatë fjalës së saj për intervistën për “Goca dhe Gra”.
