Që pas përfundimit të “Big Brother VIP”, Einxhel Shkira dhe DJ Dagz janë padiskutim një ndër çiftet më të komentuar.
Ndërsa çifti janë prej muajsh në një lidhje dhe nuk ngurrojnë të postojnë shpesh dashurinë mes tyre, kanë qarkulluar shumë thashetheme se Einxhel është në pritje të ëmbël.
Burime për “Prive.al” konfirmuan se Einxhel dhe partneri i saj do të bëhen prindër së shpejti për herë të parë dhe se moderatorja ishte në javën e 16-të të shtatzënisë.
Teksa po prisnim një konfirmim nga dyshja, Einxhel ka reaguar menjëherë dhe e themi pa frikë se ka gjetur një mënyrë mjaft të veçantë për të mohuar lajmin e shtatëzënisë.
Ajo ka ironizuar lajmin e pavërtetë me anë të komedisë “14 vjeç dhëndër” duke postuar një sërë videosh në Instastory.
Në fund ajo ka publikuar dhe një story ku shkruan:
“Morali fabulës: Përpiquni të mos flisni me bindje në emër të mitrës personale të trupit tim”, ka shkruar Einxhel
Kujtojmë se së fundmi, Einxhel ka qenë e ftuar në programin “She/he’s on top”, ku ishte pjesë e jurisë.
Mirëpo, ajo nuk mund t’i shpëtonte ‘ngacmimeve’ të Ed Manushit, lidhur me lajmin e shtatzënisë.
Einxhel ishte mbuluar goxha dhe sidomos te pjesa e barkut me një tyl.
Manushi e pyeti lidhur me lajmet që po qarkullonin, mirëpo Einxhel iu shmang pyetjes lidhur me shtatzëninë.
Edi Manushi: “Që kur ke dalë nga Big Brother nuk e di ça të ka gjetur. Kam filluar të mendoj që ato zërat e portaleve janë të vërteta se të shoh dhe të mbuluar.”
Einxhel: “Jo zemra e di si është puna? Unë këtu ca metra më tutje kam thyer krahun, thashë mos thyej dhe këmbën në Top Channel.”
