Don Xhoni kosiderohet si një nga reperët më në zë të momentit. Së fundmi, ai bëri bujë në rrjetet sociale pas një fotoje të publikuar në storyn e tij në Instagram, ku u ‘mburr’ me blerjen e një super makine.
“Helm mbi tokë”, shkruante Don Xhoni.
Por si duket makina nuk paska qenë asgjë pasi planet e Don Xhonit shkojnë edhe më tej. Si ju duket ideja e blerjes së një avioni? Paksa e çmendur, apo jo? Për Don Xhonin nuk është aspak e tillë pasi reperi ka në plan ta blejë një tillë jo më larg se vitin e ardhshëm.
“Do ta blej vitin e ardhshëm. Mbajini mend fjalët e mia”, ka shkruar ai krahas fotos të një avioni privat që ka publikuar në InstaStory.
Kujtojmë se makina bëri bujë pasi ndjekësit vunë re mënyrën e gabuar se si reperi e kishte parkuar atë.
Menjëherë pas mesazheve negative, reperi bëri një postim në story, ku nëpërmjet një shkrimi të gjatë sqaroi si qëndronte situata.
“Sqarim për dashamirësit e mi po ashtu një lajm më shumë edhe disa klikime më shumë për mediat tona të dashura. Po qarkullon lajmi ‘clickbait’ që kishe kom bo nai ‘vepër penale’ në mediat tona të dashura por e vërteta është që e kom parku për pak minuta sa me bo një foto veturën në mes dy parkingjeve, ku njëri nga ta pa dijeni kishte qenë parking për persona me aftësi të kufizuara, absolut ka qenë gabim që e kam ndalu aty per pak minuta sa me e realizu foton, por e vërteta dhe vetëm e vërteta është që nuk e kam bërë me qëllim dhe nuk e kam parë fare simbolin, por për këtë kam marr dënimin e merituar prej policisë tonë që kam shumë respekt për ta dhe kanë shumë të drejtë për këtë gjobë.
Jo vetëm kaq por reperi shkroi: “Ju vazhdoni shkruani me tendencë urrejte e cka doni, me rëndësi është që unë e kom portalin tem këtu, i kom dashamirët e mi, që e dijn kush është Don Xhon edhe sa zemër gjerë është.”
