“Kosova Fighting Series” do të sjellë në 1 gusht në Prishtinë tetë luftëra “MMA” dhe një performancë ekskluzive të reperit Unikkatil.
Gjatë emisionit “Sports show” i cili transmetohet në Klan Kosova, njëri prej organizatorëve të eventit, Besart Berisha ju ka bërë një ftesë publike reperave Noizy dhe Cllevio.
“Ajo që mund të them unë është, hajdeni në 1 gusht në Prishtinë dhe nëse kanë interes, 100,000 euro për fituesin”, ka thënë Berisha në Klan Kosova duke ju bërë kështu ftesë të hapur për përballje të dy reperëve.
Kujtojmë se Kleviol Ahmeti apo Cllevio, është liruar mbrëmjen e djeshme nga burgu pas sherrit me Noizyn.
Sherri u shoqërua me arrestimin e Cllevios, por jo për shkak të zënkës por pasi kishte thyer masën “arrest shtëpie”, duke shkuar pranë ambienteve të lokalit të Noizy-t ku më pas situata ka agravuar deri në përplasje fizike.
Por menjëherë pas daljes, Cllevio ka bërë veprimin e papritur duke nisur me kërcënimet kundrejt Noizyt dhe Dj të tij, gjatë një video live.
“Kujtoni se kam frikë ngaqë më gjuajti ai? Nuk më ka dhënë popullaritet fare, se nuk ngrihem nga ata unë. Nuk shkova atje për grushta unë. Të më thoshte pederasti që mos të shkoja, por as po, as jo nuk tha. Ti je shumë i fortë, të kam thënë. Tani si është historia, po të bëj këtë sfidë, kam bërë ca ushtrime. Më shiko mirë, zgjedhe ditën, vendin, diku larg që të mos kesh lepurusha pas teje. Kurse ty Crax, a e di çfarë do të bëj, ke dhjetë ditë kohë”- u shpreh Cllevio.
