I riu Brilant Martinaj ishte një nga personat që humbi jetën pas një atentati në mbikalimin e Fushë-Krujës. Në atentat mbetën të vdekur edhe dy personat e tjerë të quajtur Besmir Hoxha dhe Diklen Vata. Brilanti ishte kushëriri i Ervis Martinajt dhe akuzohej për vrasjen e policit Xhulio Prela. Prela u vra në dhjetor në superstradën Lezhë-Laç dhe Brilant Martinaj akuzohej si autor.
Reperi i njohur Stresi është shprehur mjaft i prekur nga kjo ngjarje pasi Brilanti ishte mik i ngushtë i Stresit. Në bisedat e publikuara nga ky i fundit mes tyre ai madje reperi e cilëson Brilantin si ‘vëlla’.
Ka ardhur dhe reagimi i ish-partneres së Stresit, Kejsit, e cila ka publikuar disa momente me të riun e ndjerë dhe shprehet mjaft e pikëlluar.
Stresi njoftoi se ka vendosur të anulojë të gjitha koncertet dhe performancat e tij. Shkak i këtyre anulimeve është bërë vdekja e mikut të tij Brilant Martinaj. Lajmin e ka bërë të ditur Stresi me anë të një postimi në Instastory. Gjatë videos Stresi ka shpjeguar se arsyeja e këtij vendimi është se ka nevojë për qetësi pas tronditjes që kaloi.
“I kërkoj ndjesë publikut, i kërkoj ndjesë të gjithë clubeve ku do performoja por anuloj çdo aktivitet timin. Kam nevojë për qetësi,”– ka shkruar Stresi në postimin e tij.
