Kim Kardashian ka habitur me postimet e fundit duke publikuar në Instastory disa mendime mbi marrëdhëniet dhe pendesat.
Në postimin e saj të parë shkruhet: “Vajzat mund të shohin ndryshimin midis 200 nuancave të buzëkuqit nudo, por nuk mund të shohin flamuj të kuq (red flags, shenjë paralajmëruese për marrëdhënie toksike)”.
Dhe statuset e fshehta të Kim nuk u ndalën me kaq. 41-vjeçarja më pas vijoi me një citim nga Dr. Seuss.
“Jeta është shumë e shkurtër për t’u zgjuar me keqardhje dhe pendesa. Pra, duaji njerëzit që të trajtojnë siç duhet, fali ata që nuk e bëjnë këtë dhe beso se gjithçka ndodh për një arsye. Nëse të jepet një shans, shfrytëzoje atë. Nëse kjo të ndryshon jetën, lëre atë. Askush nuk tha se do të ishte e lehtë, ata thjesht premtuan se do ia vlente”, thuhet në postimin e publikuar.
Megjithëse Kim nuk sqaroi se kujt i drejtohen mesazhet e saj të papritura dhe të paqarta në Instagram, vlen të theksohet se ajo i publikoi ato vetëm pak ditë pasi u konfirmuar se motra e saj Khloe Kardashian dhe ish-partneri i saj Tristan Thompson janë në pritje të fëmijës së dytë përmes një nëne surrogate (zëvendësuese).
Marrëdhënia e Khloe dhe Tristan ka shkaktuar bujë të madhe në mediat rozë. Pasi Khloe ndau në tetor 2021 se ajo dhe Tristan ishin ribashkuar , Tristan konfirmoi se ai lindi një fëmijë tjetër , djalin Theo , me Maralee Nichols në janar 2022.
Një burim i afërt me Khloe i tha E! Neës se “fëmija u ngjiz përmes një surrogate përpara se t’i zbulohej Khloe-s dhe publikut se Tristan po lindte një fëmijë me dikë tjetër në dhjetor”.
Edhe pse dyshja po zgjerojnë familjen e tyre, burimi vuri në dukje se ata nuk janë çift, duke shtuar, “ata nuk kanë folur jashtë çështjeve të bashkëprindërimit”.
Së fundmi Tristan u fotografua duke u kapur për dore me një grua misterioze në Greqi, më pak se një javë pasi u publikua lajmi për fëmijën e tij me Khloe.
