Elon Musk po planifikon të ngrejë një kundërpadi drejt Twitter për të dalë nga marrëveshja e tij e blerjes prej 44 miliardë dollarësh.
Avokatët e tij janë në punë për t’i kërkuar gjykatës që të lejojë më shumë kohë dhe fuqi për të mbledhur më shumë informacion rreth Twitter, raportohet nga ‘New York Post’. Vendimi u mor një javë pasi Twitter ngriti një padi dhe akuzoi Elon se ra dakord të blinte platformën e mediave sociale, më pas duke u përpjekur të shpifte kompaninë duke ndërprerë “operacionet e saj, duke shkatërruar vlerën e aksioneve”.
Nga momenti kur Twitter ngriti padinë, Musk ka 20 ditë për të paraqitur kundërpadinë e tij.
“Data më e hershme e mundshme e gjykimit është e domosdoshme. Kjo mosmarrëveshje shumë publike dëmton Twitter-in me çdo ditë që Musk është në shkelje. Ai e përforcon këtë dëm duke përdorur platformën e kompanisë si një megafon për ta përçmuar atë”- thanë avokatët e Twitter në dosjen e tyre.
“Miliona aksione të Twitter tregtohen çdo ditë nën një re dyshimi të krijuar nga Musk. Asnjë kompani publike e kësaj madhësie nuk i është dashur ndonjëherë të përballojë këto pasiguri.”
Twitter po i kërkon gjykatës që të detyrojë Musk të blejë kompaninë bazuar në çmimin e rënë dakord prej 54.20 dollarë për aksion, pavarësisht se ai argumenton se dëshiron që marrëveshja të mbyllet sepse kompania refuzoi të japë informacion thelbësor në lidhje me llogaritë e rreme.
Elon Musk ishte me pushime të dielën në Mykonos të Greqisë, teksa Twitter depozitoi kërkesën në gjykatë. Javën e kaluar, ai konfirmoi lindjen e binjakëve të tij me drejtuesen e ‘Neuralink’, Shivon Zilis.
