Sezoni i verës është më i ngarkuari për artistët të cilët janë të angazhuar me koncerte të ndryshme.
Për shkak të periudhës së zënë ata duhet të kalojnë kohë larg familjeve të tyre.
Kjo gjë i ka ndodhur reperit të njohur MC Kresha i cili është gjendur në party natën e ditëlindjes së gruas së tij, Erzina.
Por ai nuk e ka harruar këtë dhe bashkë me Lyrical Son i kanë kërkuar publikut të pranishëm të këndonin të gjithë “Happy Birthday”.
Reperi gjithmonë ka thënë se nuk preferon të flasë për gjërat e tij personale në media.
“Zakonisht më përmendin për jetën personale, për familjen, për fëmijët. Për gjëra që unë nuk preferoj të përmendem. Nëse shkruan diçka, le të shkruajnë për veprën që e bëj. Ama unë i kuptoj mediat, nuk jam i zemëruar me to. Nuk është faji i mediave, është faji i lexuesit”, theksoi reperi.
Më tej, reperi tha ndër të tjera se ai do të donte shumë të jetonte me prindërit.
“Kam qejf të jetoj me prindërit, por falënderoj Erzinën që edhe pse jetojmë vetëm përkujdeset që unë të çohem herët dhe të shkojmë te prindërit. Ata kanë qejf të rrinë me fëmijët e mi. Mua më pëlqen zhurma që vjen nga familja..” – tha Mc Kresha.
