Kylie Jenner ka folur për akuzat e një shoferi, i cili pretendon se ka dëgjuar “një britmë foshnje” teksa dërgonte ushqim në shtëpinë e saj në Los Angeles.
Personi në fjalë quhet Pablo Tamayo dhe ka treguar historinë e tij duke iu drejtuar 400,000 ndjekësve të tij në TikTok të martën. Pablo cili mendohet se ishte i punësuar nga shërbimi i shpërndarjes së ushqimeve ‘Instacart’, thotë se dëgjoi britmat e një fëmije pasi përmbushi një porosi të vogël në internet për Kylie.
Jenner i është përgjigjur pretendimeve në një mesazh të fshirë tashme, duke postuar: “Gënjeshtra për vëmendje më vjen në mënyrën e gabuar”.
Tamayo tha se atij iu tha se duhej ‘të telefononte dhe të kalonte nga porta’ në vend që të linte porosinë jashtë dhe u ndje nervoz ndërsa u afrua. Ai gjithashtu u ankua se Kylie i la shumë pak bakshish për shërbimin e tij. Tamayo tha se ai ishte udhëzuar të hidhte ushqimin nga hyrja e shtëpisë dhe duhej të ‘shikonte në të gjithë shtëpinë’.
“Unë nuk pashë Kylie, nuk e pashë Stormin, por betohem se dëgjova një ulërimë foshnjeje”-u shpreh ai.
Kylie e cila mirëpriti fëmijën e saj të dytë me reperin Travis Scott më 2 shkurt, hodhi poshtë pretendimet e Tamayo në një postim në TikTok, duke thënë se “askush nuk kalon nga porta” e shtëpisë së saj dhe se nuk ka asnjë gjë për të folur. Ajo sqaroi se shoferit i është dhënë bakshishi përmes aplikacionit dhe se ai ka gënjyer se ka dëgjuar djalin e saj duke qarë. Kylie me pas i ka fshirë këto komente.
