“E dashura speciale” e Gerard Piqué, është parë disa herë pas njoftimit të ndarjes nga Shakira pas 12 vitesh lidhje. Po aludohet se tashmë ajo njeh Milanin dhe Sashën, fëmijët që futbollisti ka me këngëtaren.
Këtë e kanë bërë të ditur Laura Fa dhe Lorena Vásquez në podkastin “Mamarazzi”, ku kanë treguar se të dielën e kaluar, mbrojtësi i Culé shkoi me fëmijët e tij në Botërorin e Balonave.
Në event ka qenë edhe biondja 22-vjeçare, e cila ishte veshur me të zeza dhe u shfaq duke luajtur me fëmijët.
Ata gjithashtu treguan se gruaja e identifikuar si C., punon në kompaninë e futbollistit “Kosmos”.
Megjithatë, ata saktësuan se ajo që është thënë në media të tjera se ajo është krahu i djathtë i Piqué në kompani nuk është e vërtetë. Ajo është thjesht një punonjëse tjetër, e cila i ishte bashkuar kompanisë së fundmi për faktin se kompania vazhdon të rritet.
Fa dhe Vásquez treguan se të dy përpiqen të mbajnë një marrëdhënie pune shumë diskrete dhe se mezi ndërveprojnë në punë.
Dyshja udhëtuan së bashku për në Dubai. Ata gjithashtu zbuluan se Gerard mbërriti të shtunën në orën 8:20 të mëngjesit në aeroportin “El Prat” nga Dubai, një udhëtim që ai bëri me bionden e re. Sipas informacionit që ka dalë nga një punonjës i aeroportit, mbrojtësi i Barcelonës ka udhëtuar në klasën e biznesit të Emirates, së bashku me të dashurën e tij.
