Jo vetëm produkti që blejmë, por edhe ambienti ku ofrohet ka një rëndësi të madhe! “Swatch” ka zbuluar vite më parë se si të përmbushë dëshirat e klientit. Me një imazh komplet të ri, me një hapësirë më të përshtatshme dhe me mundësinë për t’i dhënë çdo klienti atë që kërkon, do të përfshiheni menjëherë në botën e orëve “Swatch”.
Dyqani i ndodhur në Qendrën Metropol (rr. Sami Frashëri) ndryshoi pamje, duke marrë një formë shumë inovative të konceptit origjinal të njohur si “Ice Dunes”. E gjitha në të bardha, ai u ofron klientëve një hapësirë të thjeshtë, ku dallohen vetëm produktet. Pa vitrina! Konsumatorët janë të lirë që t’i prekin dhe t’i provojnë orët që paraqiten para tyre.
Ky vështrim i ri është frymëzuar nga vlerat e koleksioneve të orëve dhe bizhuterive: Dëshira për të jetuar, provokimi pozitiv dhe kreativiteti i pafund në fushën e modës. Dyqani shfaq të gjithë gamën e plotë të koleksioneve të “Swatch”, risitë e fundit, përfshirë koleksionin, “Pop it Up” apo “Flik Flak”, marka dedikuar ekskluzivisht për fëmijët.
Qëllimi i këtij ndryshimi lidhet me evolucionin e dyqanit si paraqitje dhe si ndjesi.
“Swatch”, i cili nisi në vitin 1982 nga Nicolas G. Hayek, sot është një nga markat kryesore të orëve dhe bizhuterive zvicerane, si dhe një nga markat më me stil në botë. Ora e parë “Swatch” u shfaq në tregun zviceran në vitin 1983, duke i surprizuar të gjithë me shpirtin provokues, dizajnin e gjallë dhe suksesin e pamasë. Të njëjtat karakteristika vazhdon t’i zotërojë edhe sot pas 34 vitesh!
Burimi: Swatch/Iconstyle
