Pjesë e “Sunny Hill Festival” do të jenë shumë këngëtarë e muzikantë të suksesshëm të huaj por edhe shqiptarë. Geti, Onat dhe Cozman do të jenë gjithashtu reperët që do të ngjiten në skenë dhe do të performojnë hitet e tyre.
Mirëpo, lidhur me këtë lajm, ka reaguar reperi i njohur, Skivi.
Teksa shumë fansa kanë hamendësuar për një ribashkim të “Babastars” , Skivi ka publikuar një Instastory të gjatë, ku shkruan se “nuk do të ketë një surprizë të ‘Babastars’ me paraqitje të të gjithëve në skenë”.
“E vlerësoj dhe e çmoj entuziazmin e të gjithëve për dëshirën me qenë prezent të gjithë Babastars. Duke komentu nëpër statuse të ndryshme dhe vlerësime që do të ketë surprizë të Babastars me paraqitje të të gjithëve në skenë! Më duhet t’iu informoj që kjo nuk ka për të ndodhur e as nuk është në plan. Njëra pjesë e Babastars do të jetë prezent ashtu qysh e keni parë në lajmërime. … Shkaku i kushteve të ndryshme dhe marrëveshjeve të fshehura që bëhen në dëm të vlerës së plotë, ndodhin këto gjëra. Më së paku ata që e meritojnë gjendjen prapa artistëve të mëdhenj që jepen gjithçka për labelin. Të gjitha shumë shpejt do të marrin fund dhe të jetë e qartë për publikun një herë e përgjithmonë. Gjysmën e gjysmës së Babastars do ta përjetoni. Kënaquni” – ka shkruar Skivi në një story.
