Nuk ka dyshim që Robert Pattinson është një aktor mjaft i pashëm, por tani është vërtetuar shkencërisht se ai cilësohet si mashkulli më tërheqës në botë.
Pasi vodhi zemrat në filmin “Harry Potter and the Goblet of Fire” si Cedric Diggory, ai tërhoqi vëmendjen e botës si vampiri i çuditshëm Edward Cullen në sagën e “Twilight” dhe së fundmi ai është rikthyer në ekranet në rolin kryesor tek filmi “The Batman”.
Ndërsa aktrimi dhe jeta e tij personale kanë qenë shpesh temë e titujve, pamja e tij e bukur nuk ka mbetur prapa. Fillimisht aktorit iu dha titulli i njeriut më tërheqës në botë në vitin 2020, dhe që atëherë ai nuk ka arritur të rrëzohet nga vendi i parë.
Titulli vjen pas një algoritmi që rendit tipare të ndryshme të fytyrës, i cili ka analizuar meshkujt e Hollivudit duke përfshirë Ryan Gosling, Idris Elba, Brad Pitt dhe Henry Cavill. Megjithatë, asnjë prej tyre nuk mund të përputhej me pamjen e përsosur të Pattinson.
Pattinson shënoi 92.15 %, duke mposhtur yllin e The Witcher, Henry Cavill (91.64 %), Bradley Cooper (91.08 %), Brad Pitt (90.51 %) dhe George Clooney (89.91 %).
Analiza bazohet në “Raportin e Artë të Bukurisë Phi”(Golden Ratio), e cila e ka origjinën nga Rilindja Evropiane dhe thuhet se është përdorur nga Leonardo Da Vinci për veprën e tij të famshme, “Njeriu Vitruvian”.
Për të llogaritur bukurinë e vërtetë të një fytyre, maten gjatësia dhe gjerësia dhe më pas ndahen rezultatet. Matjet merren nga vija e flokëve deri në pikën midis syve, dhe më pas midis syve dhe pjesës së poshtme të hundës. Më në fund fytyra e personit matet nga fundi i hundës deri në fund të mjekrës.
Pasi të përfundojnë të gjitha llogaritjet, një person konsiderohet të jetë më ‘i bukur shkencërisht’ nëse numrat janë të barabartë.
