Firma e njohur e kozmetikës Revlon, ka firmosur falimentimin në SHBA. Kjo vjen si e pasojë e ndërprerjes së zinxhirit të furnizimit të cilët kanë rritur koston e lëndëve të para për produktet e tyre.
Firma 90-vjeçare thotë se ajo ka qenë gjithashtu duke luftuar me pagesat e furnizuesve, inflacionin dhe mungesën e fuqisë punëtore.
Kompania thotë se pret të marrë 575 milion dollarë (466.6 milion £) nga huadhënësit e saj ekzistues për të mbështetur operacionet e përditshme.
Aksionet e saj humbën më shumë se 13% në tregtimin e Nju Jorkut pas njoftimit.
Në një dosje gjyqësore, kompania tha se ndërprerjet e zinxhirit të furnizimit kishin shkaktuar një konkurrencë të fortë për përbërësit e përdorur në kozmetikën e saj. Kjo ka shkaktuar “mungesa të përbërësve të nevojshëm në të gjithë portofolin e kompanisë”, tha në dosje shefi i ristrukturimit të Revlon, Robert Caruso.
Vitet e fundit është përballur me konkurrencë të shtuar nga markat e reja si ato të mbështetura nga të famshëm si “Kylie Cosmetics” e Kylie Jenner dhe “Fenty Beauty” e Rihanna.
Revlon u formua në vitin 1932 nga vëllezërit Charles dhe Joseph Revson dhe Charles Lachman dhe filloi të shiste manikyrin e thonjve menjëherë më pas. Nga mesi i viteve 1950 ajo ishte bërë një markë ndërkombëtare.
Ajo u ble nga “MacAndrews & Forbes” e biznesmenit miliarder Ronald Perelman në 1985. Revlon tani shet produktet e saj në më shumë se 150 vende.
Në fillim të këtij viti, Revlon paralajmëroi se po përballej me kufizimet e likuiditetit të shkaktuara nga sfidat e vazhdueshme globale, duke përfshirë ndërprerjen e zinxhirit të furnizimit dhe rritjen e inflacionit.
Kompania kishte 3.3 miliardë dollarë borxh afatgjatë në fund të marsit dhe raportet për falimentimin e saj të afërt javën e kaluar shkaktuan një rrëshqitje në çmimin e aksioneve të saj.
Kompania e famshme e kozmetikës “Revlon” shpall falimentin! Çfarë e shkaktoi diçka të tillë?
Lajme Të lidhura
Te fundit
Shkarko Snapfood dhe fito 10% ulje në porosinë e parë
