Këngëtarja e njohur, Adelina Tahiri ka qenë në ‘shënjestrën’ e mediave online së fundmi. Një lajm qarkulloi ku thuhej se ajo kishte dhënë një deklaratë duke iu kundërpërgjigjur ndjekësve lidhur me martesën e saj me Serjoza Markov.
“E mora burrin maqedonas sepse shqiptarët janë të prapambetur”, ishte deklarata që supozohej se kishte thënë Adelina Tahiri.
Por e vërteta nuk qëndron aspak kështu.
Në një prononcim për “Iconstyle.al”, këngëtarja bukuroshe e cila ishte mjaft e shqetësuar, bëri me dije se ky citim nuk është thënë kurrsesi nga goja e saj. Madje, ajo përgënjeshtroi totalisht këtë lajm.
“Unë jetoj në një vend ku akoma politika dhe njerëzit janë shumë të ndezur ndaj këtyre temave dhe mund të irritojnë. Unë do marr masa…Unë kurrë në jetë nuk e kam menduar këtë gjë kur unë kam një baba që është shqiptar, një vëlla shqiptar dhe unë vetë jam shqiptare dhe kam një fëmijë që është gjysmë shqiptar”, tha ajo për Iconstyle.al.
“Unë jetoj në Shkup dhe atyre iu dhemb shumë pjesa e patriotizmit. Në fakt, disa gjëra i përjetoj shumë keq… Madje, djali im lëviz me sigurimin dhe prandaj u preka, sepse kurrë në jetë nuk e kam thënë atë deklaratë…”, shtoi ajo.
Kësaj radhe, Adelina ra pre e të pavërtetave! Në ditët e sotme është shumë e lehtë të biesh pre e këtyre lajmeve të pavërtetuara në media. Kështu që, nuk i vëmë faj askujt që e besoi si fillim këtë ‘deklaratë’. Megjithatë, tashmë çdo gjë është sqaruar pas deklaratës që Adelina dha për “Iconstyle”.
