Khloé Kardashian tashmë i ka ardhur në majë të hundës me tradhtitë e Tristan Thompson. Fansat do të ndjekin në episodin e radhës të “The Kardashians”, momentin kur Khloé ka reaguar pasi mori vesh se Tristan e kishte tradhtuar me Maralee Nichols.
Ishte Kim ajo që ia tregoi të motrës këtë lajm, ku Khloé menjëherë tha: “Më lejoni ta marr në telefon. Nuk mund ta besoj këtë. Unë dua vetëm të vërtetën”.
Më pas, ajo nuk i mbajti dot lotët. Kim ishte aty për ta ngushëlluar.
“Gjithçka do të jetë në rregull. Ne vërtet besuam se ai kishte ndryshuar, unë isha mbështetësja e tij më e madh”, theksoi ajo.
Khloé tha se ky veprim i tij është thjesht i neveritshëm.
Ajo shtoi se gjithçka kishte qenë një gënjeshtër dhe mashtrim.
“Gjithçka është manipulim, mashtrim. A kishte Tristan çdo mundësi për të më thënë? Po. A do të më tregonte Tristan nëse nuk kishte ndonjë fëmijë të përfshirë? Absolutisht jo dhe kjo tregon shumë për karakterin e tij”, tha ajo.
Vetë Thompson konfirmoi më herët se kishte fjetur me Nichols dhe se së bashku kanë një fëmijë.
Jo vetëm kaq por ai e ka tradhtuar Khloén me një modele. Tradhtia ndodhi kur Khloé ishte në pritje të True.
Gjithashtu, kujtojmë edhe skandalin që u përfshi edhe ish-mikesha e ngushtë e Kylie Jenner, Jordyn Woods.
