“Sunny Hill Festival” do të zhvillohet në Tiranë këtë vit. Gjithashtu janë bërë me dije të tjera detaje.
Së fundmi, në një intervistë për T7, Shpat Begolli, anëtar i ekipit administrativ të festivalit ka zbuluar edhe se ku do të vendoset skena e madhe ku do të performojnë artistët.
Begolli shtoi se vendndodhja e “Sunny Hill Festival” do të jetë në parkun pranë liqenit artificial.
“Është park, mirëpo atje është shumë më i madh sesa Gërmia. Si është kryer edicioni i vitit 2019, ne kemi kërkuar hapësirë të përshtatshme sepse festivali po rritej. Po të mbahej sot, Gërmia nuk do të na zinte”, ka thënë ai.
Më herët, faqja zyrtare e “Sunny Hill Festival” publikoi dhe njoftimin zyrtar.
“E njëjtat data, e njëjta përvojë e bukur, vendndodhja e ndryshme!
Këtë gusht (për shkak të vonesave nga autoritetet në sigurimin e licencave të nevojshme për vendndodhjen), jemi të detyruar të shkojmë në Tiranë.
Ne duam të informojmë të gjithë ata që kanë blerë bileta se biletat e tyre janë të vlefshme për Sunny Hill Festival 2022 – Tirana Edition, ndërsa ata që nuk mund të marrin pjesë në Festivalin në Tiranë, do të mund të rimbursojnë biletat e tyre. (Dritarja e rimbursimit do të hapet nga 1 korriku deri më 15 korrik.
Më shumë detaje dhe udhëzime do të jepen në ditët në vijim.)
Tiranë,po vijmë!”- thuhej në njoftim.
