Ish-konkurrentët e “Për’puthen 3”, Mikela Pupa dhe Erioni, janë çifti i tretë të cilët dolën të deklaruar nga programi.
Edhe pse me shumë ulje-ngritje ata u deklaruan për njëri-tjetrin dhe u shprehën më pas në çdo intervistë se ishin shumë të dashuruar.
Por mesa duket kjo dashuri nuk zgjati shumë pasi duket se dyshja i ka dhënë fund lidhjes. Erioni dhe Mikela i kanë fshirë të gjitha postimet që kishin bashkë në Instagram.
Duket se ende nuk e kanë bërë hapin e fundit drejt ndarjes pasi ende e ndjekin njëri- tjetrin, ose ndoshta kjo është një lëvizje për të tërhequr vëmendje.
Mund të jetë edhe vetëm një krisje apo thjesht inat i momentit.
Kujtojmë se pak kohë më parë ata folën për lidhjen jashtë dhe si po ecte marrëdhënia mes tyre pas daljes nga programi.
Mikela: “Ne kemi qenë gjatë gjithë kohës në kontakt me njëri tjetrin dhe kur ishim në program ne flisnim 24 orë kështu që çdo gjë ia kemi thënë. Një gjë që është tani ndryshe është që nuk flasim më për programin.”
Erioni: “Mund të themi që mbi 70-80% e kemi njohur njëri- tjetrin.”
Mikela: “Kemi njohur dhe anët më të këqija dhe tani po shijojmë më të mirat.”
