Shpesh na ndodh që të takojmë në përditshmërinë tonë njerëz mjaft negativ dhe të këqinj,
Madje, ata njerëz mund të kamuflohen mjaft mirë e të na lëndojnë me fjalët e tyre apo humorin që bëjnë, që në fakt është mjaft i hidhur.
Ata shpërndajnë gënjeshtra dhe shpifje e mund të ndikojnë për t’i ulur reputacionin dikujt apo të shtiren… Për fat të keq, njerëz të tillë ekzistojnë.
Këta janë njerëz me zemër të keqe që duan t’ju bëjnë dëm. Si ti dalloni? Ata shpesh ndryshojnë gjërat që thonë, mashtrojnë dhe ju gënjejnë.
Njerëzit e këqinj janë manipulator. Ata nuk iu duan aspak të mirën. Ata duan të mbledhin informacione nga ju e t’i shpërndajnë te të tjerët.
Njerëzit e keqinj kërkojnë dashuri dhe mbështetje nga ju por kurrë nuk iu suportojnë ju. Këta lloj njerëzish priren të jenë edhe mjaft ziliqar.
Nuk kanë ndërgjegje dhe nuk dinë çfarë është keqardhja. Madje as që kanë ndërmend të përpiqen të luftojnë kundër ligësisë së tyre.
Ata gjithnjë bëjnë humor me ju, por duke ju lënduar ndjenjat. Gjithashtu, këta lloj njerëzish ndjejnë kënaqësi kur dikush ka dhimbje ose është i lënduar.
Kështu që bëni kujdes kur keni pranë njerëz me këto karakteristika të sipërpërmendura. Thjesht qëndrojini larg!
