Futbollisti serb, Marko Gobeljić dhe bashkëshortja e tij këngëtarja Katarina Grujić kanë kurorëzuar ditën e sotme dashurinë e tyre me martesë. Këngëtarja ka zgjedhur stilistin kosovar Valdrin Sahitin për fustanin e nusërisë. Sipas mediave serbe burime pranë këngëtares kanë konfirmuar se fustani i nusërisë ka kushtuar 20 mijë euro.
Mediat serbe kanë shkruar dhe për punën e stilisti kosovar ku ndër të tjera kanë përmendur se ai është stilist i Presidentes së Republikës së Kosovës, Vjosa Osmani.
Stilisti ka veshur dhe shumë yje botërore, mes së cilëve Beyonce. Gjatë ceremonisë kngëtarja pritet të veshë dhe dy fustane të tjera, një stil i gjatë dhe një tjetër të shkurtër, por këta të dy do të stilohen nga Huso Corbic, stilisti i saj prej kohësh nga Bosnja.
Kujtojmë se nuk është hera e parë që Sahiti vesh yjet botërorë. Më herët, ai ka rrëfyer se ishte kontaktuar nga reperja e njohur Cardi B, e cila më pas veshi një fustan të zi e mjaft elegant të krijuar nga stilisti.
Duhet kujtuar edhe fustani i kuq që pati veshur diva e muzikës, Beyonce. Fustan që u përfol jashtë mase.
Stilisti rrëfeu se ishte vetë këngëtarja Beyonce, me anë të asistentëve të saj, që kontaktoi me Valdrinin.
“Janë ato vetë që bien në kontakt me ne dhe nëpërmjet asistentëve. Diskutuam për shumë fustane, jo vetëm për të kuqin që zgjodhi. Gjithmonë kam besuar në ëndrra dhe vizione. Besoj fort se arti nuk ka kufi, pavarësisht moshës apo vendit”, ka thënë Valdrini.
