Gerard Pique është rikthyer në qendër të vëmendjes edhe pse këtë herë jo për një arsye të mirë pasi ai akuzohet se ka tradhëtuar partneren e tij, Shakirën.
Kjo lidhje mund të shkaktojë prishjen e marrëdhënies, ndërkohë që është aluduar se Pique tashmë jeton në një apartament më vete. Lorena Vazquez dhe Laura Fa, të cilat janë dy gazetare në “El Periodico”, kanë pohuar se Pique po takohej me një vajzë të re bjonde 20 vjeçare, e cila është studente dhe mikpritëse eventesh në Barcelonë. Megjithatë, identiteti i saj nuk është bërë i ditur, të paktën ende. Raportet pretendojnë se Pique është parë disa herë me të dhe se Shakira e ka marrë vesh këtë.
Pique dhe Shakira filluan të dilnin së bashku pas takimit në Kupën e Botës 2010, por ata kurrë nuk u martuan.
Ata kanë qenë bashkë gjatë gjithë kësaj kohe dhe këngëtarja kolumbiane është zhvendosur në Barcelonë për të krijuar familje me futbollistin. Ata kanë dy fëmijë, Milanin dhe Sashën. Megjithatë, marrëdhënia duket të jetë e tensionuar dhe prindër të tjerë në shkollën e fëmijëve të tyre kanë deklaruar se Shakira dhe Pique nuk janë parë duke marrë fëmijët së bashku për disa kohë.
Madje thuhet se Shakira i ka çuar fëmijët në Ibiza për pushime familjare në maj, por që Pique nuk iu bashkua atyre. Burime pranë çiftit besojnë se një deklaratë do të publikohet së shpejti, megjithëse nuk është e qartë nëse kjo do të jetë për të mohuar historinë apo për të njoftuar se ata po ndahen.
