Karolina Bojar e cila cilësohet si gjyqtarja e futbollit më seksi në botë aktualisht po merr kohë për të pushuar nga puna. Teksa kalonte pushimet duke udhëtuar nëpër botë, ajo gjithashtu nuk harron të postojë fotot e udhëtimeve në rrjetet sociale në të cilat numëron mjaft admirues.
Bojar tha se viti i kaluar ishte një kohë shumë e ngarkuar për të dhe pushimet ishin zgjedhja e duhur.
“Dymbëdhjetë muajt e fundit kanë qenë një periudhë shumë e ngarkuar dhe shpërblyese për mua. Ajo që ndodhi në vitin 2021 i tejkaloi pritjet e mia. Profesionalisht ndihem plotësisht e plotësuar, tani është koha që unë të arrij qëllimin tim të dëshiruar”, ka shkruar Bojar.
Madje, Bojar po ashtu ka konfirmuar se vitin e kaluar ka qenë shumë e zënë me çështje të ndryshme. Jo vetëm për karrierën e saj si arbitër, por edhe për edukimin e saj si avokate e ardhshme, dhe bashkëpunimin e biznesit në fusha të ndryshme.
24-vjeçarja bukuroshe jo vetëm që ka tërhequr shumë ndjekës në rrjetet e saj sociale por bukuria dhe pamja gjithashtu pati një ndikim pozitiv kur ajo drejton ndeshjet në fushë.
Madje Bojar e ka pranuar edhe më parë se paraqitja e saj e ka ndihmuar në qetësimin e lojtarëve kur merret një vendim.
“Femrat kanë një sharm natyral që na lejon të qëndrojmë të qeta gjatë ndeshjeve, edhe në situata të tensionuara”- u shpreh ajo.
