Duke nisur nga dita e nesërme në territorin e Republikës së Shqipërisë, nuk do të lejohet përdorimi i qeseve plastike.
Qeveria shqiptare kishte hedhur që para 2 vitesh për konsultim disa amendime në ligjin “Për menaxhimin e integruar të mbetjeve”, që parashikonte shtrëngime administrative për importuesit, prodhuesit e madhe edhe përdoruesit e qeseve plastike.
Ligji u dërgua me vonesë në Kuvend dhe miratimi i tij nuk ishte i mundur. Data 1 tetor e vitit 2020 u vendos si afati i ri për të zbatimin e nismës, e cila sërish nuk u përmbush.
Kryeministri foli në rrjetet sociale për këtë vendim dhe e konsideroi si një epokë e re për vendin tonë. Ai ka theksuar se nuk do ketë aspak lëshime për prodhuesit e qeseve plastike dhe se parashikohen dhe ndëshkime për ata që veprojnë ndryshe.
Ministrja e mjedisit e Shqipërisë, Mirela Kumbaro ka pohuar të njëjtën gjë- “Masa e gjobës shkon nga 500 mijë lekë të reja, pra 5 milionë lekë të vjetra, deri në 1 milion e 500 mijë, ose 15 milionë lekë të vjetra.Por ka edhe masa më të rënda se kaq për shkelësit. Në radhë të parë sekuestrimi i të gjithë mallit që do të gjendet sepse konsiderohet i paligjshëm. Nëse kjo përsëritet do të hiqet licenca e aktivitetit për shkelësit e ligjit”.
