Rudina Magjistari është një ndër prezantueset më të dashura të publikut shqiptar me më shumë se 30 vite eksperiencë në ekran. Teksa Rudina është mësuar të intervistojë, kësaj here ka ndodhur e kundërta pasi e intervistuara ishte vetë ajo.
Rudina është shumë e fshehtë dhe rrallë herë na ka folur për jetën e saj private po si duket “Në kurthin e Piter Pan” e ka bërë ti zbrazë të gjitha. Gjatë emisionit ajo na rrëfeu se pse nuk e ka veshur fustanin e bardhë:
“Nuk kam bërë ceremoni, sepse Mia erdhi shumë shpejt, madje edhe kur mësova që po vinte Mia, isha ende në punë dhe në momentin që mbaroi sezoni, unë u ktheva pas një viti. Por nuk i dihet edhe asaj, kështu që mbeten të hapura këto përgjigje…” , tha Rudina duke e lënë të hapur mundësinë e një ceremonie martesore të mundshme ku mund të kemi mundësinë ta shohim nuse.
Gjatë intervistës njëri nga vogëlushët e pyeti Rudinën sesi arrin të kalojë kohë me vajzën e saj, Mian pasi ai e sheh gjatë gjithë kohës në ekran.
Rudina i tha me shaka se ka një “shkop magjik” që të shfaqet në televizor, por të jetë dhe në shtëpi me Mian, duke iu referuar emisioneve të regjistruara.
“Mundohem ta gjej patjetër kohën. Kur Mia ime është në shkollë, unë merrem me punë. Kur ajo vjen nga shkolla unë përpiqem të bëj maksimumin që shumë ditë të javës të jem unë që e marr nga shkolla. Kur ajo shkon në kurse, unë futem në atë kutinë e televizorit. Kur Mia kthehet në shtëpi, edhe unë kthehem në shtëpi dhe kalojmë darkën bashkë. Ajo kutia e vogël (televizori) ku ti më sheh mua gjithmonë është magjike. Ndonjëherë unë arrij të bëj një magji të tillë që të jem edhe në kuti njëkohësisht, edhe në shtëpi me Mian time”
