Shoqëruesi dhe “miku më i mirë”, i Princeshës Diana për 10 vjet deri në vdekjen e saj në 1997, Paul Burrell tha ai është veçanërisht i interesuar se si shkojnë gjërat mes Princit Harry dhe Megan. Paul gjithashtu u shpreh se duke parë fotot e Harry-t dhe gruas së tij Meghan në një ndeshje polo në Kaliforni javën e kaluar e bëri atë të ndihej “i trishtuar”.
Ekspertja e gjuhës së trupit, Judi James thotë se Meghan po shfaq sjellje “poseduese” pasi u fotografua duke tërhequr Harry-n për një puthje, dhe më pas duke fshirë gjurmët e buzëkuqit që kishte lënë pas. Sipas Judit, “Meghan miratoi modalitetin “komandë, kontroll, drejtim”, duke vendosur të dyja duart rreth fytyrës së Harry-t ndërsa ata putheshin”.
Paul mendon se kjo është shqetësuese edhe pse ai pranon se u ndje i emocionuar kur Harry u takua për herë të parë me Meghan dhe kishte shpresa të mëdha për romancën e tyre, ai tani ka ndryshuar mendim.
“Mendova se Meghan ishte kjo frymë e freskët që do të modernizonte familjen mbretërore dhe do të sillte të gjithë elementët vitalë që mungonin, por çfarë lloj dashurie është kjo? Mendoj se Harry është krejtësisht i mërzitur me të. Ai ka hequr dorë nga gjithçka. Nga të gjithë njerëzit që dua të jem i lumtur, është Harry.”
Paul shton se Harry po kërkonte dikë serioz për ta rikthyer në rrugën që kishte humbur sepse i vdiq nëna. Zemra e tij u thye dhe askush nuk mund ta rregullonte derisa erdhi Meghan. Por Paul nuk është i bindur se Harry është i lumtur me jetën e tij të re në Shtetet e Bashkuara. “Çfarë shokësh do të gjejë ai në Kaliforni? Ai nuk është rritur atje me askënd.”
Paul parashikon që në një moment Harry do të kthehet në UK dhe do të pajtohet me William. “Harry do të ketë nevojë për vëllain e tij një ditë. Unë mendoj se ai do të kthehet në këtë vend me bishtin mes këmbëve”- u shpreh ai.
“Unë nuk mendoj se ai është plotësisht i lumtur. Unë mendoj se atij i mungon vëllai i tij. Mendoj se i mungon familja e tij, mendoj se i mungojnë miqtë dhe stili i jetesës që kishte këtu në Angli. Unë mendoj se ai ka hequr dorë nga gjithçka për Meghan dhe nuk e di se sa kohë do të jetë në gjendje ta jetojë atë jetë.”
Por pavarësisht gjithë dramës, një person që do të jetë shumë i lumtur të shohë Harry-n është Mbretëresha.
“Ajo e adhuron Harry-n! Ajo kurrë nuk refuzon t’i marrë telefonatat e tij kur ai i bie ziles dhe ajo gjithmonë bisedon me të. Harry e bën atë të qeshë. Ai është argëtues dhe nuk është aq serioz sa William”.
