Tashmë çështja Depp-Heard është në duart e jurisë! Mirëpo, karriera e dyshes do të përballet në një tjetër gjyq: pikërisht nga opinioni publik.
Por, duhet theksuar se mbështetja ndaj Johnny Depp në TikTok është më e madhe se ajo ndaj Amber Heard.
Një publicist që e njeh Depp nga afër, tha për CNN se: “Nuk isha i sigurt se çfarë të prisja përpara se ai të mbante qëndrimin e tij dhe besoj se kjo nuk ka bërë gjë tjetër veçse ka ndihmuar imazhin e tij publik”.
Ndërkohë, një tjetër publicist shtoi se karriera e të dyve ka shkuar keq: “Karriera e tyre eshtë shumë jofunksionale. Paraja është toksike dhe lakmia shkatërron. Askush nuk fiton këtu” .
Mirëpo, si do të jetë e ardhmja e tyre në filma? A do të jetë në rrezik?
Johnny Depp u hoq nga filmi i “Pirates of the Caribbean” pikërisht pas artikullit të shkruar nga Amber Heard.
Jerry Bruckheimer, prodhuesi i filmave “Pirates of the Caribbean”, tha për The Times se “e ardhmja nuk është vendosur ende”.
Sa i takon Amber Heard, imazhi i saj thuajse është ‘shkatërruar’. Madje, ajo ka shumë gjasa të largohet nga filmi i ardhshëm i “Aquaman”, që në fakt është xhiruar.
