Tenisti Arbër Sulstarova mori një famë të jashtëzakonshme gjatë qëndrimit të tij në shtëpinë e “Big Brother VIP Albania”. Edhe pse qëndroi pak brenda shtëpisë, ai krijoi një miqësi të ngushtë me Ilir Shaqirin si dhe pati një situatë jo të këndshme me këngëtaren Xheisara. E gjitha nisi pas një prekje në këmbën e tenistit nga ana e këngëtares.
“Nuk jam aq konservator me vajzat. Ishte një gjest që ishte bërë disa herë. Personi në fjalë nuk më pëlqeu dhe ia thashë. Për mua ishte mënyra e duhur. Nuk e kam diskutuar fare me të dashurën. Ishte e parëndësishme. Mendoj se reagova shumë mirë. Familjarët kishin komente pozitive.”, tha ai më herët.
Mirëpo, së fundmi është bërë publike lidhja e tij, ku ka qenë vetë Arbri ai që ka publikuar foto me të dashurën e tij në dasmën e Ilir Shaqirit.
Jo vetëm kaq por edhe Arjola Demiri postoi një video të dyshes. Madje, ajo i kapi “mat” teksa ata u puthën në buzë.
Arbri më herët ka rrëfyer edhe një ‘gabim’ që bëri brenda shtëpisë së BBV.
“Që duhet të isha më, duhet të thoja më shpesh jo. Duhet të isha më drastik në disa situata, siç ishte pjesa e penalizimit që mora zarf të zi. Edhe që duhet të bëja më shumë debate.”- zbuloi Arbri.
