Kur mëndojmë për aktorët dhe yjet e kinemasë përpara nesh shfaqen pamjet plot sharm të tapetit të kuq dhe të gjithe duam të jemi në vend të tyre. Por bota e aktrimit ka dhe një anë tjetër që ndoshta s’do ju pëlqejë dhe aq. Aktorët e përmendur më poshtë janë dëmtuar rëndë e disa kanë rrezikuar dhe jetën në setin e xhirimeve.
Sylvester Stallone donte që skenat e luftimeve në “Rocky” të dukeshin sa më reale, kështu që ai i kërkoi kolegut të tij të harronte koreografinë dhe “thjesht të dilte atje dhe të përpiqej të gjuante”. Ai u rrah aq keq sa përfundoi në spital për nëntë ditë.
Isla Fisher thuajse u mbyt para të gjithë kastit ndërsa filmonte një truk magjik në ujë për filmin “Now You See Me”. Ajo tha se askush nuk e kuptoi sepse të gjithë thjesht supozuan se ajo po aktronte, por në fakt ajo po mbytej.
Në skenë, ajo ishte e lidhur me zinxhirë dhe e zhytur në një rezervuar uji, me pranga magnetike me zinxhirë me lëshim të shpejtë, të destinuara për një arratisje të lehtë. Ajo tregoi se “zinxhiri që kalonte mes këmbëve të mia nuk mund të thyhej dhe ai e mbërtheu”.
Ndërsa filmonte një skenë në “Black Swan”, Natalie Portman dëmtoi një nga brinjët e saj, por nuk kishte asnjë mjek në shesh për ta ndihmuar. Ajo shpjegoi se më pas mori kujdes mjekësor, por jo përpara se regjisori Darren Aronofsky ta bënte atë të përfundonte skenën me dhimbje.
Gjatë xhirimeve të “Mission Impossible 6”, Tom Cruise theu kyçin e këmbës duke u hedhur nga një ndërtesë në tjetrën dhe ai vazhdoi të vraponte vetëm që të mund të përfundonte skenën.
Gjatë një interviste, ai tha se “e dinte menjëherë se ishte thyer”, por nuk donte ta filmonte përsëri gjithë skenën, kështu që ai e injoroi dhimbjen. Momenti kur ai theu kyçin e këmbës përfundoi si pjesë e filmit.
Dylan O’Brien ra nga një automjet në lëvizje dhe u godit nga një automjet tjetër që po e ndiqte pas ndërsa ai po xhironte “Maze Runner: The Death Cure”. Ai përfundoi me tronditje, frakturë dhe çarje në fytyrë dhe traumë mendore pas aksidentit. Ai kaloi muaj në shërim dhe hezitoi të kthehej në xhirimet e një filmi tjetër aksion madje e konsideroi seriozisht nëse do vazhdonte karrierën si aktor.
Nuk mund të mungonte në këtë listë aktori Jackie Chan. Gjatë karrierës së tij si një yll aksioni, Jackie Chan ka thyer pothuajse çdo pjesë të trupit që mund të imagjinohet, ai madje ka një vrimë në kokë. Ai shpjegoi- “Jo çdo kockë, por mund të them çdo centimetër nga koka te gishtat e këmbëve… të gërvishtura, të mavijosura dhe të thyera”. Ai i tha Steve Harvey-t se gjatë xhirimeve të filmave të tij më të vjetër, nuk kishte para për CGI ose efekte speciale, kështu që ai i bëri vetë marifetet. Ai bëri shaka se nëse një drejtor i kërkonte të hidhej nga një ndërtesë në tjetrën, ai thjesht do ta bënte.
