Pas arrestimit që bëri bujë të Elsa Lilës për trafikim droge ajo është lënë më në fund e lirë.
Avokati Saimir Visha në deklaratën e tij ka thënë që ajo është lënë e lirë nga autoritetet Italiane dhe se gjitha akuzat ndaj saj janë pushuar. Ai shtoi se pafajësia e saj dihej por shumë persona kanë vjell vrer kundër saj duke sjellë këtë keqkuptim.
“Jam kthyer sot nga Italia. Janë pushuar të gjitha akuzat. E gjitha një keqkuptim. Pafajësia e saj ka qenë që në momentet e para. Kam qenë me të. Më vjen turp që bashkëpunëtorët tanë, kanë vjellur vrer për Elsën”-përfundoi ai.
Elsa Lila u arrestua në mars te këtij viti dhe dyshohej për përfshirje në një organizatë kriminale.
Rikujtojmë se Elsa Lila është një figurë shumë e njohur për publikun shqiptar. Ajo ka kultivuar muzikën shqipe dhe italiane me elementet arbëreshe.
Ajo kishte treguar talentet e saj të këndimit dhe aktrimit që kur ishte fëmijë në emisionet televizive shtetërore shqiptare dhe fitoi konkursin kombëtar të këngëve shqiptare 2 vjet me rradhë ndërsa ishte në vitet e adoleshencës
Ajo debutoi për herë të parë në festivalin më të madh të këngës italiane, Sanremo, në vitin 2003, ndërkohë që mori pjesë përsëri në Festivalin e Sanremos 2007.
View this post on Instagram
