Përfaqësuesja e Maqedonisë së Veriut është sulmuar në vendin e saj pasi hodhi në tokë flamurin e Maqedonisë së Veriut në Tapetin Turquoise të Eurovizionit 2022. Të dielën, yjet e Eurovision 2022 mahnitën me krijimet më të bukura në Ceremoninë e Hapjes dhe patën momentin e fundit të madh të shtypit përpara se të hynin në javën e konkurrimit.
Andrea e veshur me të zeza, fillimisht pati një moment fotografik me flamurin e saj por me sa duket vendosi që donte të bënte pastaj disa foto pa flamur dhe meqë asnjë anëtar delegacioni nuk ishte pranë dhe duke mos dashur të humbiste kohë ajo hodhi me shpejtësi flamurin anash.
Pas kësaj në një deklaratë në krye të faqes së tyre të internetit, transmetuesi i Maqedonisë së Veriut tha se dënon ashpër hedhjen e flamurit siç u tregua gjatë ceremonisë së hapjes. MRT i kujtoi audiencës së përgjithshme se në Maqedoninë e Veriut hedhja e një flamuri në dysheme shihet si shenjë mosrespektimi dhe dënohet me ligj në vend.
“Shërbimi publik nuk qëndron në asnjë mënyrë pas kësaj sjelljeje skandaloze të përfaqësuesit tonë të Eurovizionit, i cili me atë gjest tregoi mosrespektim ndaj simbolit kombëtar, i cili dënohet me ligj. MRT pret që Andrea t’u kërkojë falje qytetarëve për sjelljen e tillë. Shërbimi publik po shqyrton mundësinë e tërheqjes së saj nga Eurovizioni, ndonëse do të bëhet kujdes që të mos i shkaktohen më shumë dëme MRT-së.”
Në një deklaratë të regjistruar pas përfundimit të ceremonisë, Andrea shpjegoi situatën dhe kërkoi falje për atë që kishte ndodhur. Ajo tha:
“Më lejoni të bëj një deklaratë të shkurtër nga këtu që nga hapja, sepse pashë çfarë shkruhej në media. Unë thjesht nuk e besoj sepse ditët e fundit e vetmja gjë që bëra ishte të lëvizja me krenari dhe të tregoja flamurin maqedonas kudo. Delegacioni ishte shumë larg meje dhe vendosa në një moment të heq flamurin. Nuk ishte për urrejtje, jam krenar që vij nga këtu dhe prandaj është pak e kotë për mua pse po ndodh kjo. Nuk kisha ndërmend të ofendoja dikë dhe nëse e bëra këtë, kërkoj falje. Unë e mbaj flamurin me vete kudo që shkoj dhe shpresoj se mund ta kalojmë vërtet këtë.”
