Aplikacioni për shpërndarjen e videove “TikTok” ishte aplikacioni më i shkarkuar në mbarë botën për tre muajt e parë të vitit 2022.
Sipas raportit të të dhënave të inteligjencës për tremujorin e parë 2022, TikTok u shkarkua më shumë se 175 milionë herë nga 1 janari deri më 31 mars 2022, duke ia kaluar Instagramit si aplikacioni më i shkarkuar.
Që nga viti 2018, TikTok ka më shumë se 3.5 miliardë shkarkime duke e bërë atë aplikacionin me më shumë shkarkime në botë.
Brenda SHBA-së, TikTok ka qenë aplikacioni kryesor çdo tremujor që nga fillimi i vitit 2021.
Këto statistika bazohen për përdorues, që do të thotë se numërohet vetëm një shkarkim për llogari të Apple ose Google.
Top 10 aplikacionet më të shkarkuara në mbarë botën në tremujorin e parë të 2022 ishin:
TikTok
Telegram
Shopee
Snapchat
Messenger
CapCut
Spotify
Meta Platforms, e njohur më parë si Facebook, zotëronte aplikacionin e dytë, të tretë dhe të katërt më të shkarkuar në tremujorin e parë.
Instagram u rrëzua nga vendi i parë dhe shkarkimet u ulen me 7% por megjithatë kishte më shumë se 150 milionë shkarkime. Facebook ishte i treti, gjithashtu mbi 150 milionë, dhe platforma e mesazheve e Metës, WhatsApp, ishte e katërta me 125 milionë shkarkime.
Gjatë tremujorit të parë të 2022, përdoruesit Android mund të zgjidhnin midis 3.3 milionë aplikacioneve, duke e bërë Google Play të kishte numrin më të madh të aplikacioneve të disponueshme.
