Për vite të tëra u përfol dhe u mohua se, romanca e Brad Pitt me Angelina Jolie nisi kur ai ishte akoma me Jennifer Aniston.
Dhe tani raportimet zbulojnë se ish-ylli i “Friends”, Jennifer e quan me tallje Angelina-n si “Grabitëse të meshkujve të martuar” dhe nuk ka besuar kurrë se aktorja ishte e duhura për Brad-in.
“Gjatë gjithë dhimbjeve dhe lëndimit që Jen duroi pas ndarjes nga Brad, ajo e ndjente gjithmonë se Angie nuk ishte për të. Ajo mendonte se Jolie ishte shumë e ndërlikuar për të, ndërsa ajo e shikonte Brad-in si një djalë të thjeshtë. Ai ishte një djalë i zakonshëm me një punë të profilit të lartë. Pavarësisht se çfarë mund të ketë thënë Angie, të gjithë mendojnë se ajo i vodhi Jen bashkëshortin. Ata të gjithë e quajnë atë “Grabitëse të burrave”, tha një burim për “The Mirror”.
Burimi shtoi se: “Të gjithë në rrethin e Jen e merrnin me mend se Angie do të lodhej nga Brad dhe do ta linte atë për një mashkull tjetër”.
Lajmi i ndarjes së Brad Pitt me Angelina Jolie shokoi dje të gjitha fansat e çiftit, ndërsa ish-bashkëshortja e tij Jennifer Aniston u shpreh: “Kjo është karma për ty!”.
Burimi: Daily Mail
