Në puntatën e sotme të “Për’puthen” u transmetua takimi mes Neritanit dhe Alesias, takim ky që si duket kishte shkuar tepër mirë. Por, si gjithmonë u shoqërua me debate të forta në studio.
Në takim, u fol për xhelozinë që Neritani kishte shprehur për takimin e Alesias me Jetmirin. Ai tha se ka filluar të ketë një pëlqim ndaj Alesias dhe kjo është arsyeja pse ka shprehur xhelozi.
Gjatë programit Neritani bëri deklaratën e papritur: “Unë lidhem që nesër me Alesian! Po pres vetëm nga ana e Alesias.”
“Nuk e kam akoma timen por e kam në projeksion për ta pasur timen. Për veten time jam i gatshëm të lidhem që nesër.”
“Edhe po të shkojë shumë mirë takimi thuaj që është keq sepse mërzitem. Kam filluar të bëhem xheloz. Është pjesë e dashurisë. Kur të sulmojnë ty dukem sikur sulmojnë një pjesë timen. Nuk të shoh dot me një çun tjetër. Jam i gatshëm të lidhem që nesër. Xhelozia jashtë ndryshon nga ajo këtu. Është e natyrshme nuk e shmang dot se këtu je me konkurrentë.”– tha ai.
Alesia tha se e mirëkupton dhe nuk ndihet keq nga kjo lloj xhelozie.
Por kjo deklaratë u la në heshtje pasi vëmendje mori debati mes Neritanit dhe 2 motrave Laureta dhe Rrushe.
Më i ashpër ishte Neritani i cili bëri akuza të forta ndaj dy motrave. Ai tha se ato bëjnë plane jashtë dhe sulmojnë Alesian në emision. Madje, akuzoi dy motrat se nuk janë në emision për të gjetur dashurinë por për të sulmuar Alesian.
“Gjëra tendencioze që gatuhen jashtë dhe vijnë këtu. Unë nuk jam i akuzuar sepse nuk kam çetë të përpunimit të fjalës. Motrat jetojnë bashkë plus komunikimi që kanë me djemtë e tjerë, përgatiten dhe vijnë këtu gati. Ti dhe Rrushja që kur keni ardhur tendenca juaj nuk është të dashuroni për të sulmoni tjetrin. Nëse ti flet për dashurinë dashuria do ishte dështim. Ju vetëm e keni mendjen të nxirrni njerëzit negativisht. Janë mbledhur një grup jashtë për të sulmuar Alesian jashtë.”- tha Neritani.
