Nuk jemi të sigurt se cili lajm është më i rëndësishmi, fakti që The Weeknd ndryshoi më në fund modelin e flokëve apo prezantimi i albumit të tij më të ri “Starboy”.
Pasi fshiu të gjitha postimet e tij nga profili në “Instagram”, Abel Makkonen Tesfaye i njohur me emrin The Weeknd, publikoi vetëm tre fotografi të reja dhe një video me një pjesë nga cover-i i albumit të tij të ri.
Këngëtari me origjinë kanadeze është shprehur për “TMZ” se, stina e vjeshtës është si një rizgjim për të, ku ai e ndjen të nevojshme të bëjë disa ndryshime në jetën e tij.
Më parë 26-vjeçari ka treguar se modeli i çuditshëm i flokëve i jepte veçanti karakterit të tij si artist dhe se do t’i priste ato vetëm kur të arrinin në pikën që do t’i pengonin shikimin. Duket se arritën në këtë pikë!
*Shfleto galerinë
Burimi: TMZ
