Paraqitja e saj në “Eurovision” hapi shumë debate, por Eneda Tarifa kërkon të dëshmojë sërish se është e zonja në atë që bën. Ndërsa askush nuk po e pret që ajo të ngjitet në skenën e spektaklit, këngëtarja po përgatitet për këngën e saj më të fundit.
Duket se kompozitorja e këngës më të re të Eneda Tarifës do të jetë sërish Olsa Toqi. Ajo është e njëjta kompozitore e këngës “Fairytale” (Përrallë), me të cilën Eneda u shpall fituese në Festivalin e RTSH-së, për të përfaqësuar Shqipërinë më pas në festivalin europian të këngës “Eurovision”.
Kjo pasi këngëtarja u shfaq ditën e kaluar me kompozitoren Olsa Toqi në një nga lokalet e Tiranës, në zonën e ish-Bllokut. “Rrallë e për mall…. Por për gjëra të mira!”, thuhet në mbishkrimin e fotove të publikuara në “Facebook”-un e Tarfiës. Burime të “Iconstyle” thanë se kënga e re e Tarifës do të shoqërohet bashkë me klipin, realizimi i të cilit pritet të nisë së shpejti.
Burimi: Iconstyle
