Reperja e njohur Cardi B ka vendosur që të largohet nga rrjetet sociale dhe kjo për një arsye shumë të fortë.
Cardi fshiu llogaritë e saj në “Twitter” dhe “Instagram”, pasi u ‘grind’ me fansat të cilët nuk ishin shumë të lumtur që reperja nuk mori pjesë në ceremoninë e ndarjes së çmimeve “Grammy 2022”.
Sipas “Billboard” – të cilët i bënë ‘screenshot’ postimeve të Cardi B para se ajo të fshinte llogarinë e saj- reperja kishte shkruajtur:
“Po e fshij ‘Twitter’-in tim, por oh Zot e urrej këtë bazë fansash budallenj”
“Kur dreqin e lash të kuptohej se do shkoja?”, ka shkruar reperja. “Unë nuk do të shkoj në një ceremoni të çmimeve nëse nuk kam një këngë të re për të interpretuar ose nëse albumi im nuk del”.
Një fans i kishte përmendur gjithashtu edhe djalin e saj gjë që e mërziti më tepër këngëtaren.
“Kjo gjë më nevrikos shumë”, tha ajo. “Nëse përmendni djalin tim, unë do ju urrej. Unë do ju uroj më të keqen.”
Cardi B më pas u shpjegoi fansave në një tjetër postim në “Twitter” se ajo nuk ndodhej as në Las Vegas – qyteti ku po mbahej “Grammy Awards”.
Më vonë të dielën në mbrëmje, Cardi B u shfaq në një video ‘live’ në “Instagram”, ku ajo trajtoi situatën në “Twitter” dhe mospjesëmarrjen në “Grammy”.
Nëna e dy fëmijëve tha gjithashtu se ishte e zënë me punë, gjë që ishte një tjetër arsye pse nuk mori pjesë së ceremoni.
Sipas Billboard, Cardi B ka bërë një pushim nga “Twitter” edhe në dy raste të mëparshme – një herë në tetor 2020 dhe një herë tjetër më vonë në mars 2021.
