1 Prilli është një nga ditët më emocionuese që festohet unanimisht në të gjithë botën në fillim të prillit. Origjina e saj është ende një mister edhe pse ka shumë teori që lidhen me të.
Secila kulturë ka një qasje të ndryshme për mënyrën se si festohet dita me atë më të zakonshmen që është të bësh shaka dhe gënjeshtra të padëmshme.
Dikur, 1 prilli festohej si dita e Vitit të Ri, por me ndyshimin e kalendarit nga Julian në Gregorian, në 1582 nga Papa Gregory XIII, dita e Vitit të Ri u vendos më 1 janar. Megjithatë, disa njerëz vazhdonin të gënjenin veten dhe e festonin këtë ditë më 1 prill, ndërsa të tjerët talleshin me ta.
Profesori Joseph Boskin e shpjegonte dikur kështu këtë ditë:
1 Prilli e ka prejardhjen gjatë periudhës së sundimit të Kostandinit, kur një shakaxhi i quajtur Kugel i tha perandorit se ai mund ta drejtonte më mirë perandorinë. Kostandini e mori me të qeshur këtë deklaratë dhe e lejoi Kugel-in të bëhej perandor për një ditë, në datën 1 prill, të cilën Kugeli e shpalli ditën e gënjeshtrave.
Legjenda e 1 Prillit mund të gjurmohet edhe në një shaka mes dy të dashuruarve: Kleopatrës e Mark Antonit. Sipas legjendës, Kleopatra e mori Antonin për të peshkuar. Ky i fundit ngaqë nuk po kapte dot asnjë peshk vendosi të paguajë disa peshkatarë dhe të vendosnin peshkun e tyre të sapokapur në grepin e tij Kleopatra e kuptoi menjëherë mashtrimin. Ajo vendosi që të ‘tallej’ me të duke i vendosur një peshk të rremë të bërë nga lëkura krokodili
Në Skoci, 1 prilli zgjat 2 ditë. Ditën e dytë njerëzit shpesh goditen papritur nga pas. Në Kanada dhe Angli, gënjeshtrat e 1 prillit lejohen të thuhen deri në mesditë. Pastaj loja mbaron.
Në Francë, fëmijët e kanë traditë që t’i vendosin njëri-tjetrit në shpinë një letër në formë peshku. Kurse në vendin tonë, Dita e Gënjeshtrave luhet plot 24 orë dhe sigurisht përpiqemi që skenari i hileve dhe mashtrimeve të jetë sa më i besueshëm dhe i rëndë për “të mashtruarin”.
