Aktori “Hollivudian”, Ryan Gosling, u matua me partneren e tij prej një kohe të gjatë, Eva Mendes, në një ceremoni sekrete.
Ryan Gosling dhe Eva Mendes janë bashkë që nga viti 2011, ku u njohën në xhirimet e filmit thriller “The Place Beyond The Pines”.
Çifti ka dy vajza dhe më e vogla lindi vetëm para pak muajsh. “US Weekly” raporton se Eva,42 vjeç dhe Ryan, 35 vjeç, kryen një ceremoni martesore sekrete, gjë që do të donin ta kishin bërë që para ardhjes në jetë të vajzave të tyre.
Vendi dhe koha nuk është bërë e ditur për të ruajtur privatësinë e çiftit, por të ftuar kanë qenë vetëm familjarët dhe rrethi i ngushtë i shoqërisë së tyre.
Një burim pranë aktores tha për revistën se: “Eva dhe Ryan janë ndjerë gjithmonë si një çift i martuar. Ata janë të magjepsur me njëri-tjetrin”.
Ndërsa aktori u shpreh gjatë Festivalit të Filmit në Toronto: “Nuk mund të ishim më të lumtur”.
Burimi: Daily Mail
