Këngëtari i njohur me famë botërore Harry Style, ka lajmëruar se do të publikojë një album të ri.
Ish-anëtari i “One Direction”, njoftoi me anë të një postimi në “Twitter” se emri i albumit titullohet “Harry’s Hause (Shtëpia e Harry-t)”, ndërsa data e publikimit është më 20 maj. Albumi do të përmbajë 13 këngë, sipas një njoftimi për shtyp.
28-vjeçari ndau kopertinën e albumit të ri në rrjetet sociale, ku shfaqet në tavanin e një dhome ndenjeje me kokë poshtë.
Harry’s House. May 20th. pic.twitter.com/gvNJsccEz5
— Harry Styles. (@Harry_Styles) March 23, 2022
Këngëtari është frymëzuar për titullin e albumit nga kënga e Joni Mitchell e vitit 1975 “Harry’s House/Centerpiece”. Styles ka qenë prej kohësh një adhurues i Mitchell.
Natyrisht që fansat e Harry-t “morën dhenë” dhe filluan ta shpërndanin lajmin kudo nëpër rrjet.
“Kam nevojë për oksigjen”, ishte komenti i një ndjekëseje, kure një fans tjetër komentoi: “Nuk jam mirë”.
Këto janë vetëm disa nga deklaratat që njerëzit po bëjnë në “Twitter” për të shprehur entuziazmin e tyre për albumin e ri të këngëtarit.
Ky projekt vjen pas albumit të dytë, “Fine Line”, i cili u publikua në dhjetor 2019. Albumi kryesoi listat e Billboard Hot 200 dhe përfshinte hitet si “Adore You”, “Watermelon Sugar” dhe “Lights Up”.
