Ish-konkurrenti i “Për’puthen” Alban Dyrmishi, është arrestuar ditën e sotme nga policia e Tiranës, pasi në qendrën e tij të masazhit, ushtrohej prostitucion.
Sipas njoftimit të uniformave blu Albani është vendosur në pranga për veprat penale “Shfrytëzimi i prostitucionit” dhe “Mbajtja e lokaleve për prostitucion”.
“Ky shtetas, pasi kishte marrë një ambient me qira, në rrugën ‘Sami Frashëri’, e kishte përshtatur si qendër masazhesh ku kishte të punësuara dy shtetase, dhe përveç aktivitetit të regjistruar ligjërisht, ushtronin dhe aktivitetin e kundërligjshëm të prostitucionit”, shkruhej në deklaratën e policisë.
Gjithashtu në pranga kanë përfunduar edhe dy punëtorët e qendrës së masazheve.
Rikujtojmë se Albani njihet më së tepërmi nga edicioni i parë i programit të “Për’puthen”. Ai u përjashtua nga programi për shkak të një interviste që kishte dhënë për një media online.
Në një “Instastory” ai ka akuzuar në mënyrë të drejtpërdrejtë autoren e këtij formati e cila është Olsa Muhameti, duke u shprehur se intervista ka qenë thjesht një pretekst për ta larguar atë.
“Prej kohësh autorja e këtij programi nuk po e duronte dot mosservilizmin dhe mosbindjen time ndaj skenareve të saj amatore dhe dashakeqe, ndaj gjeti rastin sot dhe vendosi duke mos pas guximin të më kontaktoj vet personalisht po nëpërmjet vartëses së saj me pretekst intervistën time, falenderoj të gjithë ata që më kanë mbështet këto kohë, dhe jam krenar që s’u bëra kurrë pjesë e asnjë skenari dhe thash gjithmonë atë që desha. Olsa Shpresoj të gjesh burrë, futu vet në përputhen se mosha ikën”, shkruante ish-konkurrenti i “Për’puthen”, Alban Dyrmishi.
