Në puntatën e sotme të “Për’puthen Prime”, Albi Dhima ka vendosur të largohet nga programi.
Lajmin e ka bërë të ditur vetë konkurrenti, me anë të një posti në faqen e tij të Instagramit, i cili shkruan se “Për’puthen” ishte një rrugëtim shumë i bukur, ku ndoshta nuk gjeti dashurinë, por gjeti shok dhe miq.
“Faleminderit dhe Më Falni . Faleminderit @olsamuhameti që më dhe mundësin të isha pjes e këtij formati, faleminderit gjithë produksionit për punën e palodhshme që bëni. Faleminderit çdo konkurrenti/e qe ka qen pjes e këtij rrugëtimi me mua për çdo emocion dhe moment të bukur. Më falni nëse që nga produksioni e deri tek çdo konkurrent me ndonjë fjalë apo veprim timin ju kam prekur ose ofenduar, asgjë personale . Faleminderit të gjithë ju që më keni mbështetur në këtë rrugëtim dhe keni qen me mua çdo moment . Faleminderit dhe ju që më keni kritikuar, me ka shërbyer për tu bërë njeri edhe më i mirë. Me falni nëse për ndonjë gjë ju kam zhgënjyer Faleminderit @borazemani për profesionalizmin e treguar dhe ty @arjankonomi_. Vërtetë ishte një rrugëtim shume i bukur ku mbase nuk gjeta dashurinë po njoha një shok, mik, vëlla si @bashkimsaitil. PERULJE.”
Rikujtojmë se Alesja është një nga konkurrentet e “Për’puthen” që tërhoqi vëmendjen e Albit që kur hyri.
Dy konkurrentët kanë zhvilluar takime me njëri-tjetrin dhe kanë shprehur pëlqimin e ndërsjellët.
Por, në spektaklin “Për’puthen Prime”, ai vendosi ta avancojë më tej njohjen, duke deklaruar se është në program vetëm për Alesjan.
Nga ana tjetër, Alesja tha se ka dhe një pëlqim tjetër dhe do të zhvillojë një takim edhe me djalin tjetër dhe më pas të jetë më e qartë.
Që nga këtu pastaj mes tyre nuk ka qenë më ai afrimitet që pritej prej të dyve. Mesa duket Albi nuk e ka gjetur dashurinë tek Alesja ashtu siç edhe shprehet, prandaj është larguar duke i dhënë kështu fund njohjes së tyre.
Sot, gjatë përballjes së tyre në “Për’puthen Prime”, Alesja tha se familja e saj ishte interesuar për Albin dhe kishte mësuar diçka për të kaluarën e tij, ndaj donte t’i jepte fund njohjes pasi thotë se nuk është treguar i sinqertë me të.
