Ditën e sotme, gjatë një bisede me Ilirin dhe Donaldin, Einxhel ka rrëfyer një histori nga fëmijëria e saj, lidhur me shokun e saj të bankës që i rrëfeu dashurinë para se ajo të shkonte në Greqi.
Einxhel tha se veprimi i tij nuk i pëlqeu aspak aso kohe kur ishte në klasë të tretë dhe, vetëm se ai i thoshte që e donte dhe do të martohej me të, Einxhel zgjodhi t’i thyente syzet.
“Në të gjithë klasën ishin çun-çun, gocë-gocë, vetëm unë isha me atë. E urreja. Më vinte inat, thoja pse të mos rri me shoqet e mia por kam këtë tipin këtu. Gjatë gjithë kohës, ne haheshim për mësime. Kush merrte shumë mirë me yll apo të lumtë dora me flamur dhe hahesha se thoja “unë i bëj vetë, atij ia bën mami”.- tregoi ajo.
Mirëpo, teksa e tregonte historinë, Einxhel i kthehet marrëdhënies me DJ Dagz dhe thotë duke qeshur se edhe atij do ia kishte thyer syzet në fillim nëse do të kishte.
“Haja inat kush nga ne ishte nxënësi më i mirë i klasës. Para se të ikja në Greqi, më tha “unë të dua shumë”. Më deklaroi që më dashuronte në klasë të tretë dhe e merrni dot me mend se çfarë i kam bërë? I kam thyer syzet me grusht. Dhe Dagzi po të kishte pasur syze, do ia kisha thyer në fillim”, tha Einxhel.
